Qisadii namruud

 

Ma maqashay qisadii namruud oo ahaa boqorkii gaalka ahaa oo dhulka xukumi jiray gees ka gees iskuna dayay inuu alle la tartamo

Waxaa aad u yar dadka si xeel dheer u yaqaana qisada boqorkaan isla waynidu ka badatay

Allena wuxuu inoogu waramay mid kamida aayadaha ugu waaween quraankiisa

Waxaan halkaan ku faahfaahin doonaa qisada namruud iyo wuxu ku sameye nabi ibraahim CS iyo meesha layaabka leh e ay ku dhamaatay qisadiisa.

Namruud waxa uu ahaa mid kamida boqorada ugu waaween ee aduunka soo xukumay

Wuxu alle siiyay xoolo aad u farabadan iyo sharaf intaba

Waxa u aha nin heesta boqortooyo aad u xoog badan iyo ciidamo aad u farabadan

Wuxuuna haystay keydad aad u farabadan oo buuxiyay dhamaan qasriyadiisa

Boqortooyadiisuna kuma aysan koobneen hal magaaalo ama hal wadan wuxu xukumi jiray dhamaan dhulka iyo wixi ku jiraba

Aduunyo masoo marin gaal wada xukuma marka laga reebo asaga iyo mid kale mooyee

Ibnu cabaas waxaa laga wariye inu yiri rasuulka NND wuxu yiri “dhulka waxaa soo xukumay afar labo mu’min ahaa iyo labo gaal ahaa. Labada mu’minka ahaa waa: dulqarneyn, iyo suleymaan CS. Labada gaalka ahayena waa namruud, iyo bakhtanasar Waxaana shan ku noqon doona mid kamid ah ahlubeydkeyga”

Namruud boqortooyadiisa waxee la ekeed boqortooyadi nabi suleymaan CS kaasoo alle siiyay maamulka dhulka iyo waxa ku jira

Waxaa la yiri namruud wuxu kasoo jeedaa ciraaq wuxuuna noolaa 400 oo sano qasrigiisuna wuxuu ku yaallay ciraaq

Waa uu ka waynaa fircoon wuuna ka awood badnaa

Wuxuu alle caza wajalla doonay inu soo diro nabigiisa ibraahim xiliga namruud

Dadku waxe uga iman jireen meel walba wuxuuna siin jiray cuno iyo cabitaan.

Qof walboo u yimaado inta uusan wax siin wuxuu weydiin jiray.

Yaawaaye rabigaaga? Ma aaminsantahy inan ahay rabigaaga?

Qofka baahan wuxu ogu jawaabayay haa waan ku aaminsanahy, markaas ayuu siinayay cuno iyo cabitaan

Namruud naclatullah calayhi wuxuu sheegtay ilahnimo siduu sameeyay fircoon naclatullah calayhi

Dadkana wuxuu ku qasbe ine asaga caabudaan iskuna duleeyaan.

Sidaas ayuuna ahaa ilaa maalin uu nabi ibrahim u baahday cuno iyo cabitaan si uu ugu quudiyo ahalkiisa

Nabi ibrahim CS wuxuu aaday namruud si uu cuno uga soo qaato

Namruud ayaa dhankiisa eegay wuxuuna ku yiri

Yaawaaye rabigaaga? Ma aaminsantahy inan rabigaa ahay?

Nabi ibrahim CS wuxu ku yiri “maya rabigay matihid”

Namruud wuxuu ka naxay jawaabta uu siiyay nabi ibraahiim CS waayo hore ulama uusan kulmin cid beenisa.

Namruud wuxu ku yiri waa yaab ma waxaad leedahay rabi aan aniga ahayn?

Nabi ibrahim wuxu ugu jawabay haa

Namruud wuxu yiri yawaaye rabigaaga? Sifooyinkiisana maxaa kamid ah?

Nabi ibrahim CS wuxu ugu jawaabay “rabigee waa kan waxna dila waxna nooleeya”

Namruud wuxu yiri taas waa wax aad iigu fudud anba waxna waan dilaa waxna waan nooleeyaa anaana ka fiican rabigaaga

Alle SW asagoo nooga waramaya wuxu yiri:

الم تري الي الذي حاج ابراهيم في ربه ان ءاتاه الله الملك اذقال ابراهيم ربي الذي يحيي ويميت قال انا احيي واميت

Nabi ibrahim wuxu ku yiri side wax ku dishaa waxna ku noolesa?

Namruud wuxu ciidankiisa faray ine u keenaan laba nin oo dil ku xukunaa

Mid ayuu dilay midka kalena waa uu cafiyay wuuna sii daaye.

Markasu nabi ibrahim ku yiri sooma aragtid inan waxna dilo waxna nooleeyo anaana rabigaa ka fiican

Wuxuu yiri muxuu kalo rabigaa sameeyaa?

Alle ayaa nabi ibrahim u tilmaamay ereyo namruud xujadiisa burburisay gebi ahaana mugdi gelisay. Wuxuuna ku yiri:

فاءن الله ياتي بالشمس من المشرق فات بهامن المغرب فبهت الذي كفر

“Hadii ilahnimada aad sheeganeso dhab tahay rabigee wuxu qoraxda kasoo bixiya bariga bal adigu kasoo bixi qorax dhac/galbeedka”

Sidaas ayuuna nabi ibraahim dadka ugu caddeeyay beenta iyo baadida namruud mana uusan ka jawaabi karin dalabkiisa

Waa uu aamusay wuxuuna yiri caro iyo wareer awgii: halaga saaro qasrigayga

Nabi ibrahim waauu ka tagay asoon wax cuno iyo cabitaan midna uga soo qaadin cidiisa taasoo uu awal ugu yimid

Wuxuu laabtay asoo murugsan oo gacan maran

Markuu cidiisa usoo dhawaaday weelashii uu waday wuxuu ka buuxiyay ciid wuuna ku daboolay, wuxuuna yiri cideyda ayan ku mawelinaya

Markuu cidiisa soo gaaray alaabtiisana dhinac u dhigtay waa uu jiiftay daalka safarka awgii

Xaaskiisa saara markey furfurtay alaabtii waxee aragte weelashii oo raashiin iyo cabitaan ka buuxo, cunto ayeena ka sameysay

Nabi ibraahim markuu soo kacay wuxuu arkay cuntadii iyo cabitaankii, wuxuuna xaaskiisa ku yiri: xagee ka keentay?

Waxee ku tiri waa raashiinka aad keentay

Nabi ibrahim wuxu ogaaday inuu alle irsaaqay bedelna uga dhigay cuntadii uu namruud ka doontay ciidiina ugu bedelay raashiin iyo cabitaan

Waxaa la yiri alle CW wuxuu namruud usoo diray malak si uu iimaanka ugu yeero, waa uu diiday

Mar labaad ayuu ugu yeeray inu alle rumeyo SW, waa uu diiday, mar sadexaad ayuu ugu yeeray, waa uu diiday allena wuu ku kufriyay

Wuxuuna malagii ku yiri waxaad hayso la imow ana waxaan hayan la iman waa aan arki doonaa midkeenii adkaada aniga ama rabigaaga.

Boqortooyada alle siiyay iyo maalka ayaa ka indho saabay xaqa iyo wuxu yahay.

Markey qoraxdu soo baxday namruud wuxuu kulmiyay ciidankiisa difaaca iyo milaterigaba si uu alle ula dagaalo CW

Allena wuxuu usoo diray ciidan balse cidina ma maleysaneynin ciidanku alle soo diri doono.

Alle wuxu usoo diray ciidan isugu jira tixsi iyo kaneeco waana kuwa ugu tabarta yer alle khalqigiisa, si uu namruud u tuso tabar daridiisa iyo tabar darida ciidankiisa

Xasharaadkii waxe buuxiyeen hawada ilaa qoraxda ay ka qariyeen tira badnidooda awgii

Aduunyadii ayaa mugdi ku noqotay namruud iyo ciidankiisa wuxuuna alle ku saliday kaneeco waxee cuneen hilbaha ciidanka dhiigiina wee cabeen waxee kaso reebeen lafo burbursan wuxu alle amray kaneeco kamida waxee sanka ka gashay namruud mudo dheer ayeena maskaxda ugu jirtay, mana dhimaneso mana kaso baxeso si walboo uu isugu dayay inu iska saaro

Taasna waxee aheed ciqaabka uu alle ku ciqaabay adduunyada

Madaxiisa ayuu garaacayay xanuun iyo xanxanto awgii, wuxuu sameeyay qaab walba uu isaga saaro kaneecada si uu isaga reebo dhibkeeda

Dadka la jooga wuxu ka dalban jiray inee madaxa ka garaacaan

Dhibkaas iyo dulinimadaas ayuu ku jiray illaa uu alle ka halaagay oo nafta ka qaaday

Waxaa ceeb oo dhan ka nazahnaaday allaha awwooda iyo mulkigaba leh, markuu namruud kula tartamay ciidankiisa iyo cududiisa wuxuu usoo diray khalqigiisa kuwa ugu tabarta yar, markaasay isaga iyo ciidankiisiiba halaageen, si ay cibro qaadasho ugu noqoto cid walba oo alle ku kufrisa kuna qasbanaadaan cibaadadiisa

Riwaayadaha qaarna waxee leeyihiin namruud wuxuu riyo ku arkay kowkab ama xidig ween oo kasoo baxay samada kadibna qoraxdii iftiinku ka tagay

Sixroolayaasha waxe ugu fasireen inu u dhalan doono wiil isaga burburin doono

Wuxuu amray in la gowraco wixii wiil ahaa oo sanadkaas dhashay

Nabi ibraahiimna sanadkaas ayu dhashay waxaa qarisay hooyadii ilaa uu ka waynaaday, markaasuuna diiday inuu caabudo namruud iyo asnaamtaba

Hadaan u imaano namruud abtirkiisa wuxuu ku laabtaa nabiyullahi nuux CS, namruud casrigiisuna wuxuu ka dambeeyay casrigii maanshoodka kaasoo dhacay casrigii nabi nuux CS

Waana namruud binu kancaan binu kowsh binu xaam binu nuux

Waxaana maanta ciraaq laga helaa in badan oo aasaarta namruud kamid ah, waxaana kamid ah wax lugu magacaabo kaalij ama namruud, waxaana laga helaa magaalada aashooriya oo ku taala koonfurta magaalada muusil

Tani waa qisadii namruud naclatullah calayhi wuxuuna kamid aha boqorada kufaarta ahaa kuwooda ugu waaween gabagabadiisuna ku dhamaatay qasaaro iyo hoog

qisadii xiisaha badneyd ee nabi muuse iyo khadir

 

السلام عليكم ورحمة الله وبركاته

Waxaan filayaa dhammaantiina in aad horay u maqasheen nin lagu Magacaabi jiray khadir.

oo aad la yaabteen sida ay dadku u Qaddariyaan oo ay uga sheekeeyaan karaamooyinkiisii layaabka badnaa.

Wuxuuna Alle SW ku xusay qur’aankiisa kariimka ah, markii uu inooga warramayay qisadii dhax martay isaga iyo nabi muuse CS.

Balse sidee buu khadar aqqoontiisii, iyo karaamooyinkiisii layaabka badnaa ooga yaabsaday nabi muuse CS?,

Maxaase khadar magacaan loogu Bixiyay asalkiisii hore?

Ma dhabbaa in uu noolyahay illaa iyo maanta?,

Waxaan halkaan  idinkugu soo gudbin doonaa tafaasiil fara badan oo layaab leh oo ku saabsan qisadii dhax martey khadar iyo nabi muuse CS,

anigoo daliil uga keeni doona qur’aanka kariimka ah iyo sunadaba,

Waxaan marka hore idinkaga warami doonaa: qisadii dhax martay khadar iyo nabi muuse CS,Kadib ayaana idinkaga jawaabi doonaa in khadar uu noolyahay iyo in kale.

Maalin maalmaha kamid ah ayuu nabi muuse CS ka dhax istaagay qoomkiisa isaga oo u khudbeynayey oo waaninayay.

Markaasbuu wax badan uga sheegay wax yaabihii uu alle SW baray, wuxuuna u jeediyay khudbad aad u layaab badan Oo saameyn leh.

Taasoo dhamaan qoomkiisa ka fajicisay oo dadkuna aad u layaabeen, Markaasbuu nin kamid ahaa Qoomkiisa intuu soo istaagay hortiisa ku yiri:

 yaa nabiyyallah ma jiraa oo malaga  helayaa aduunyada qof adiga kaa aqoon badan?

Markaasbuu nabi muuse CS ugu jawaabay: Maya.

kadibna alle ayaa canaantay nabi muuse CS, maadaama uusan isla markaas  alle uga Mahad celinin fadliga iyo aqoontii uu siiyay.

Markaasbuu alle SW u waxyooday nabi muuse CS oo ku yiri: (muusow maxaa ku ogeysiiyay halka uu alle dhigayo Aqoontiisa? Waxaan leeyahay adoon Adiga kaa aqoon badan Kaasoo ku sugan majmacal baxreyn), ama halka ay -ku kulmaan labada badood.

Markaasbuu nabi muuse CS rabigiisa weydiistey wadadii uu u mari lahaa.

Markaasbuu alle SW ku amray in uu soo baxo isagoo Horayna usoo qaadanaya xuud ama  malaay ween, wuxuuna u sheegay in meesha uu malaygaasi kaga carari doono ay tahay halka uu ku suganyahay Ninkaasi.

kadibna nabi muuse CS Ayaa soo baxay isagoo uu la socday adeegihiisa  Oo la oran jirey yuushac), waxyna  lugeynayeen ilaa ay ka soo gaareen meel Uu yaaley dhagax Aad u Weeyn,

Markaasbuu nabi muuse CS go’aansaday in ay ku nastaan dhagaxaan Hoostiisa, kadibna nabi muuse CS Ayaa gam’ay oo hurday.

Iyagoo sidaas ku sugan ayaa waxaa dhacday in malaygii ay wateen ay soo gaaraan xooga biyo ah Oo kamid ahaa biyihii bada,

Markaasbuu alle SW soo nooleysiiyay Malaygii, Kadibna Baddii ayuu dhax galay oo ku Carartay, Wax yer kadibna nabi muuse CS ayaa ka soo toosay hurdada, Kadibna Waxey  meesha ka sii wateen safarkooda.

Yuushacna wuu iloobay in uu nabi muse CS u sheego malayga wixii ku dhacay, Waxay sii watteen  safarkooda ilaa ay aad ula daaleen socodka Dheer iyo mashaqadii Safarka, Markaasbuu nabi muuse cs adeegihiisa ku yiri: (noo soo diyaari cuntadeena),

Markaasbuu yuushac xasuustay wixii ku dhacay Malaygii, Markaasbuu ku yiri: yaa nabiyyallah, sooma xasuusatid markii aan dhagaxii weynaa hoos hurdeyney, markaas Ayuu malaygii bada ku cararay, sheydaan  ayaana I ilowsiiyay in aan kuu sheego.

Markaasbuu nabi muuse CS aad u farxay oo ku yiri:  taasi waa waxa aan  sugaayay, kadibna waxey dib ugu soo laabteen halkii uu yaalay Dhagaxii weynaa.

Markaasbey Waxey arkeen: nin intuu Maro isku dadey dhulka jiifa, Ninkaasoo ahaa Ninkii uu Nabi muuse CS Raadinaayey, Magaciisana Waxaa La oran jirey khaddar.

Markaasbuu nabi muuse cs salaamay khadar Kadibna Khadar Ayaa ugu jawaabay, xageebaad iga soo salaantay?,

Markaasbuu Nabi muuse cs ugu jawaabay waxaan ahay Muuse, Kadibna khadar Ayaa ku yiri: ma waxaadtahay muusihii banuu israaiil?,

Markaasbuu ku yiri: haa, waxaan rabaa in aan ku raaco si aad wax iiga barto wax yaabihii uu alle SW ku baray.

Markaasbuu khadar ugu jawaabay: soo kuguma filna in aad heysato towraad, oo uu waxyiguna kuu yimaado, maxaa yeelay uma dulqaadan kartid in aad I raacdo, Muusow aniga wuxuu alle SW I baray wax adiga aadan aqoonin, Adigana wuxuu ku baray wax aniga aanan Aqoonin.

Markaasbuu nabi muuse CS ugu jawaabay

قال ستجدني انشاء الله صابرا ولا أعصي لك أمرا

Inshaa allah Waad I arki Doontaa in aan ku sabraayo Wax walbo oo Aan kaala Kulmo, Wax aad I amartidna Ma khilaafi Doono.

Markaasbuu khadar u ogolaaday in uu raaco nabi muuse CS, balse wuxuu ku shardiyay in uusan waxbo ka weydiinin  wax yaabaha uu ku arki doono ilaa ay ka gaaraan dhamaadka Safarkooda.

Markaasbey nabi muuse CS iyo khadar soo baxeen iyagoo ku socday  xeebta, kadibna waxay arkeen doon ku socotay bada, Markaasbey doonleyda ka codsadeen in ay horey u sii qaadaan.

Kuwii doonta watay ayaana gartay Khadar balse ma aysan garan Nabi muuse CS, kadibna si lacag la’aan ah Ayey ku qaadeen iyagoon waxba kaga bedelaneynin ama waxba ka qaadaneynin.

Markii ay doontuu soo gaartay meeshii ay ku xeran Lahayd oo ay soo istaagtay, ayuu khadar alwaax kamid ahaa alwaaxyadii Ay doontu ka sameysned Intuu ka jebiyay bada ku tuuray isagoona  doonta dhinac ka Dilaaciyay.

Ficilkaan uu khadar sameeyay ayaa Nabi muuse CS si weyn uga fajiciyay,Markaasbuu is yiri: dadkaan waa ay idin karaameeyeen, weliba iyagoon  waxba naga qaadan ayey nasoo Qaadeen, muxuu doontooda Uga Duleelinayaa oo uu ooga kharibayaa?.

Nabi muuse CS ayyaana u dulqaadan waayay in uu ka aamuso,-Markaasbuu isagoo careysan khadar ku yiri

: قال أخرقتها لتغرق أهلها قد جئت شيئا امري

Ma waxaad doonta u duleelisay in aad maansheyso Ahalkeeda? waxaadba la timid wax aanan la qaadan karin?.

Markaasbuu khadar isagoo careysan soo eegay oo ku yiri

:قال ألم أقل لك إنك لن تستطيع معي صبرا

Soo horey Kuuguma aanan Sheegin In aadan U dulqaadan Karin In aad  I raacdo.

Markaasbuu nabi muuse CS  xasuustay wixii uu kula balamay khadar, markaasbuu u cudur daartay oo ku yiri: ha ii qabanin waxaan iloobay ee ka raali noqo.

Markaasbey dhaqaaqeen oo socodkoodii meesha ka sii wateen ilaa ay u yimaadeen, wiil yer Oo la cayaarayey caruur kale oo saaxiibadiisa ah,Markaasbuu Khadar Wiilkii intuu gacantiisa madaxa ooga qabtay qoorta ka kala siibay oo dilay.

Markaasbuu nabi muuse CS aad oola yaabay, oo dareemay cabsi iyo argagax, Allena SW wuxuu yiri

:قال أقتلت نفسا زكيتا بغير نفس لقد جئت شيئا نكرا

Wuxuu ku yiri: sideebaad u dileysaa naf aanan waxba galabsan?- waxaad sameysay jariimo aad u ween.

Khadar ayaa ugu jawaabay

:قال ألم أقل لك إنك لن تستطيع معي صبرا

Muusow horaan kuugu sheegay in aadan u dul qaadan karin wax yaabaha aad arki Doonto.

Markaasbuu nabi muuse CS ka xumaaday Wixii uu sameeyay, KadibnaWuxuu Ku yiri iska keey cafi oo I saamax waan is iloobeye_Hada kadib hadii aan su’aal ku weydiiyana iga tag oo weligaa dambe ha ila saaxiibin.

Kadibna Khadar ayaa ka ogolaaday oo ku Waafaqay.

Halkaan markaan mareyno rasuulkeena Muxamad  CSW ayaa wuxuu yiri

رحمة الله علينا وعلي موسي لولا أنه عجل لرأي العجب ولكنه أخذته من صاحبه ذمامة

Ilaahay naxariistiisa dusheena iyo muuse dushiisa ha ahaatee, haduusan degdegi lahayn wax yaabo badan oo uu la yaabo ayuu arki lahaa,- balse waa uu iska Qadiyay.

Intaas kadibna nabi muuse iyo khadir ayaa meesha ka sii watey- safarkooda ilaa ay ka soo gaareen tuulo dadkeedu ay bakhiilnimo ku sifoobeen,  kuwaasoo aanan martida xaqeeda siinin,Labadoodana raashiinkii ayaa ka dhamaaday,

markaasbey tuuladii ku leexdeen iyago Doonayey In ay weydiistaan cunto iyo Cabitaanba,Kadibna Dadkii Tuuladaas Deganaa Ayaa u Diideen in ay quudiyaan ama ayraashiin Siiyaan, Markii iyagoo gaajeysan ay qaryada ka sii baxayeen Ayaa waxey arkeen darbi qaloocdey oo u dhow in uu dumo, Markaasbuu khadir wuxuu doontey dhoobo iyo dhis, wuxuuna habeen dhan ku qaatay dhisida iyo toosinta Darbigaas, ilaa uu ka noqday darbi adag oo is heysta.

Nabi muuse CS ayaa aad ula fajacay wuxuu arkay, Waxaana ka yaabiyay wanaaga uu khadir u sameeyay dad aanan xaq u lahayn,  Waayo Waa kuwii u diiday in ay raashiin iyo cabitaan siiyaan.

Markaasbuu nabi muuse CS khadir ku yiri: waxaan usoo martinay Dadkaan- mana aysan na marti qaadin mana ayan na quudinin, adiguna darbigaan ayaad u dhiseysaa adigoon waxba ka qaadaneyn, adigoo awooda in aad taas bedelkeeda ujro ama qarash Weydiisato-Waana xaqaagee, maxaadan sidaas u sameyneenin? Allena SW wuxuu yiri:

فوجدا فيها جدارا يريد أن ينقض فأقامه قال لوشئت لاتخذت عليه أجرا

Nabigeenuna SC wuxuu yiri: ilaahay hau naxariisto muuse waxaan jeclaan laheen in uu sabri lahaa si uu nooga Waramo  arrinkooda).

Markaan khadir  ayaa dhibsaday Nabi muuse, kadib markii uu saddex jeer -kula balamay in uu sabro, balse uu awoodi Waayay, Markaasbuu ku yiri

:قال هذا فراق بيني وبينك سأنبئك بتأويل مالم تستطع عليه صبرا

Isagoo ula jeeda muusow ma sabri kartid, -waxaana waajib kugu ah in aad iga tagto, balse Inta aanan kala tagin waxaan kuu sheegaya, ujeedooyinka wax yaabihii  layaabka lahaa ee aad aragtay Anigoo Sameynayey,

-أما السفينة فكانت لمساكين يعملون في البحر فأردت أن أعيبها  وكان ورأهم ملك ر  يأخذ كل سفينة غصبا

Taasoo uu ula jeeday: kuwii doonta lahaa waxay ahaayeen- dad Wanaagsan- oo aad u fiican, waxaan rabay in aan abaalkooda u gudo Waxaa halkaas joogay boqor daalim ah oo qaadanaya doon walba oo cajabisa,

wuxuuna iska dhaafayaa doon walba oo ceeb leh Waxaan Doontooda u jebiyay si boqorkaas uusan uga qaadan doontooda,

 وأما الغلام فكان أبواه مؤمنين فخشينا أن يرهقهما طغيانا وكفرا

Wuxuu ku yiri: Canugii yeraa ee aan qoorta ka kala siibeyna, wuxuu alle SW I ogeysiiyay in hadii uu weynaado uu noqon  doono nin  kaafir ah oo isla weynin badan,  oo ahalkiisana dhibi doona oo dhibaatooyina usoo jiidi doona,

Wuxuuna sidaas u sameyn lahaa gaalnimo iyo xad gudubkiisa Awgii Allena SW wuxuu I ogeysiiyey in uu bedelkiisa ku arzaaqi doono canug wanaagsan oo u gargaari doona, markaasbaan dilay anigoo u naxariisanaya Waalidiintiisa.

Darbigii tuulada aan ku dhiseyna, wuxuu alle SW I ogeysiiyay- in ay iska lahaayeen laba canug oo yeryer oo agoon ah, waalidkooduna wuxuu ahaa nin wanaagsan, wuxuuna keed ugu qariyay darbigaan Hoostiisa,_

Waxaan ka baqay in darbiga uu dumo Kadibna- keydkii ama kanzigi uu soo muuqdo, Oo kadibna dadkii tuulada ee bakhiiliinta ahaa ay ka qaataan oo ay ka Qadiyaan,_Markaasbaan u adkeeyey oo u dhisay si labadaan agoon ay usoo baxsadaan markii ay Waaweynaadaan,

Kuwaasina waa tafsiirka ficilladii aad u Dulqaadan- kari weydey in aad indhaha ka daawato).

Khadirna waxaa magacaan loogu bixiyay, sida kusoo aroortay xadiis saxiix ah,

Khadir ayaa maalin maalmaha kamid ah dhax fadhiistay dhul qalalan oo cara cad ah oo aanan dhir lahayn, kadibna ilaahay qudradiisa Dhulkii Ayaa isku Bedelay dhul cagaaran,Taasoo ahayd karaamo uu alle SW ku karaameeyay khadir.

Dhacdadaas wixii ka dambeeyeyna khadir ayaa lugu magacaabay Khadir.

Waxay dad badani aaminsanyihiin in khadir uu weli Noolyahay karaameyn uu alle SW karaameeyey awgeeda, Balse xaqiiqada ayaa waxaytahay in inta badan culimadu ay isku raacsanyihiin in uu dhintay oo uusan Nooleen, Balse waxaa jiraan riwaayado badan oo aanan  daliil lahayn- oo ku sugan kitaabada qaar kuwaasoo sheegaya in uu noolyahay, balse riwaayadaha qaar lama qaadan karo sanadkooda oo daciif ah Awgii, Sida raajaxa ahna waa in uu geeriyooday oo xaalkiisuna uu lamid ahaa- xaaladaha dadka kale ee banii aadamka ah).

هذا والله سبحانه وتعالي أعلي وأعلم وصل الله وسلم وبارك علي سيدنا محمد وعلي آله وصحبه أجمعين والسلام عليكم ورحمة الله وبركاته